كؤنلومده قاينايير یئنه سئودا سيزيلتی سی

بيلمه م  نه دير بو سررلي معنا سيزيلتی سی؟

آشفته ليكده  دالدانير٬ اودلانير، يانير ...

يوخ ناله سی،گلايه سی،حتا سيزيلتی سی

وولقان دی؟بورلوغان يا توفان دي؟ بيلمير م!

عشق اهلی نین جانیندا کی صحرا سيزيلتي سي

عشقين صفاسي يوخسا پريشانليغدا دير؟

مجنونو سالدی چؤ للره  ليلا سيزيلتی سي

من خان چوبان كيمي سازيمين تئللرينده يم

ديللنديرير وجودومو  سارا سيزيلتي سي!

اوخشاری  واردي وارليغيمين، کؤکلو لوتکه یه

سالميش مني تلاطمه دريا سيزيلتي سي!!