| تبليغات | X |
من عشق آتشيله كؤنول داغلاديم
مقدس سئوگی يه اوره ك باغلاديم
هرآن لپه لنديم هرآن چاغلاديم!
آنجاق سن منيم تك چاغلاما جیران!
گونش تك روحوما نورونو ساچدين،
اليمدن ياپيشدين دنيزه قاچدين…
سئوگي قاپي سيني طاق با طاق آچدين!
ايندي ده اوزومه باغلاما جیران!
سئوگي ميز پارلايیر بير چيراق كيمي،
جوشوروق داشيريق بير بولاق كيمي…
محبت بئشيك دير بيز اوشاق كيمي…
لاي لاي چال كؤنلومو داغلاما جیران!
شلاله شلاله گؤزومون ياشي…
آخير گؤزلريمدن ییخیر داغ داشي،
خاطيره لر اولوب يولوم يولداشي
گئديرم آردیمجا آغلاما جیران!
…
كؤنلومده قاينايير یئنه سئودا سيزيلتی سی
بيلمه م نه دير بو سررلي معنا سيزيلتی سی؟
آشفته ليكده دالدانير٬ اودلانير، يانير ...
يوخ ناله سی،گلايه سی،حتا سيزيلتی سی
وولقان دی؟بورلوغان يا توفان دي؟ بيلمير م!
عشق اهلی نین جانیندا کی صحرا سيزيلتي سي
عشقين صفاسي يوخسا پريشانليغدا دير؟
مجنونو سالدی چؤ للره ليلا سيزيلتی سي
من خان چوبان كيمي سازيمين تئللرينده يم
ديللنديرير وجودومو سارا سيزيلتي سي!
اوخشاری واردي وارليغيمين، کؤکلو لوتکه یه
سالميش مني تلاطمه دريا سيزيلتي سي!!
آی ظالیمین قیزی! داها یاندیرما قلبیمی
جیران باخیشلی! باخما دایاندیرما قلبیمی
قارتال قانادلی گؤزلری جومدورما اوستومه
سوزدورمه بسدی چوخ هاوالاندیرما قلبیمی
عشقین جانیمدا چیپجالاناندا الین اسیر
گؤزله داغیلیدی ایندی! جالاندیرما قلبیمی
هر بیر سسین گلنده ٬گلیر قلبیم آغزیما
گؤردون قیزارمیشام دای اوتاندیرما قلبیمی
سنسیز لیگیم چتین دی یا بو سنله ن اولماغیم؟
بیلسه ن ده ساخلا سیررينی قاندیرما قلبیمی!
بوندان دا چوخ سئوینجه منیم یوخدو طاقتیم
اینجیت بیرآزدا قو ی گئت اوساندیرما قلبیمی!!
هر بیر غزل سنه یازیرام آز قالیر اؤله م
چیرپینتی دان دوشنده یوباندیرما قلبیمی
دریاده یوخ ، من آکواریم لار دا اوزموشم!
عشقین درینلیگینده دولاندیرما قلبیمی.
من کی آلیشمیشام کول اولارکن قوتارمیشام
آی ظالیمین قیزی داها یاندیرما قلبیمی...
ياغيش معناسي ني قانميش بولودلار چوخ يوبانميش لار.
ده نيزده ن يوخسا قالخمیش لار،اوفوقده دالدالانمیش لار؟
چمن،چول،گول،چايير ،اورمان،ياماج يانمیشسا يا نغين دان،
گئنه ده آلدانيش رنگينده ايليغيم تك بويانميش لار!
كؤنول لرا يچره حسرت لر آلوولو اود قوپارميش دير،
ماراقلی دویغولار آنجاق عطشده دامغالانميش لار!
باخيش يورقون، فيكير دوتقون، سئويم سولقون، گولوش پوزقون!
اوره ك لر بوسبوتون ظلمت ایچینده چپيچالانميش لار!
سرين یئل لر شوران ليقدا،شيرين ديل لر يالان ليقدا،
سوساركن نفرتين تاپداغی آلتدا تاپدالانميش لار.
باشی قوینوندا سولموش گول دوشوب بولبول کناریندا
محبت لر او زولموشكن صداقت لر تالانميش لار!
باخيش لار يول چكير حسرتلی گوزلر يولدا دير سانكی
ياغيش لار ياغماسين بارلی بولودلاردان اينانميشلار!!
مردا د ۶۹ اردبیل
ال تلفونو باغلی اؤزو گیزلین ایزی یوخدو
تلفون وورورام ائوده دئییر لر اؤزو یوخدو
ظالیم بالاسی بویله ایتیب دی آدی باتمیش
هئچ یئرده اقلا ایکی کلمه سؤزو یوخدو
آغلاتدی منی هئچ دن هئچه چؤللره دوشدوم
مین سؤز دئدی بیر کلمه سی نین ده دوزو یوخدو
بیردن باشینا یوخسا بلا گلدی دیلیم لال
گؤرمور نگران اولموشام آخیر گؤزو یوخدو؟!
آللاه هارا گئتدی ؟ آخی یاندیم من آلیشدیم
اودلاندیم اوره ک آتشی نین دای کؤزو یو خدو...
بلکه دونن او جان دئمه گیم قلبینه دگدی؟
شاید اوتانیر گلمه گه بیرده اوزو یوخدو.
عشقين زيروسینده گزديم آختارديم
گونش سئودالي بير مارال دالينجا
من گئتديم،اوگئتدي،گؤزومدن ايتدي...
سئوال ايدي بیتدی سئوال دالينجا
نه قده ر اوجالديم ماوی گؤيلره
او دوگونلو سيرري بيله بيلمه ديم
توتولدوم غملي بير تبسم كيمي
آغلايا بيلمه ديم گوله بيلمه ديم
قارا بولود كيمي اوره گيم دولدو
دویغومون ياغيشي سيخيليب قالدی
بوغولموش دويغومون هر آدديمیندا،
هارای لی بير داملا ييخيلب قالدی
ايندی٬ توفان ازميش بير لؤتكه كيمي
اليم ساحيل لردن اوزولمكده دير
دولموشام بولود تك يورغون گؤزومدن
معنالي داملالار سوزو لمكده دير
قفسدن يورولموش يالقيز قوش كيمي
ماوي سمالره اوچماق ایستره م
اولو يوكسه ليشين صونسوزلوغوندا
گونش بولاغيندان ايچمه ك ایستره م
آی ظالیمین قیزی! داها یاندیرما قلبیمی
جیران باخیشلی! باخما دایاندیرما قلبیمی
قارتال قانادلی گؤزلری جومدورما اوستومه
سوزدورمه بسدی چوخ هاوالاندیرما قلبیمی
عشقین جانیمدا چیپجالاناندا الین اسیر
گؤزله داغیلیدی ایندی! جالاندیرما قلبیمی
هر بیر سسین گلنده ٬گلیر قلبیم آغزیما
گؤردون قیزارمیشام دای اوتاندیرما قلبیمی
سنسیز لیگیم چتین دی یا بو سنله ن اولماغیم؟
بیلسه ن ده ساخلا سیررينی قاندیرما قلبیمی!
بوندان دا چوخ سئوینجه منیم یوخدو طاقتیم
اینجیت بیرآزدا قو ی گئت اوساندیرما قلبیمی!!
هر بیر غزل سنه یازیرام آز قالیر اؤله م
چیرپینتی دان دوشنده یوباندیرما قلبیمی
دریاده یوخ ، من آکواریم لار دا اوزموشم!
عشقین درینلیگینده دولاندیرما قلبیمی.
من کی آلیشمیشام کول اولارکن قوتارمیشام
آی ظالیمین قیزی داها یاندیرما قلبیمی...
نه گؤزل ياغيرسان گؤزياشي كيمي
اله نيرسن یئره آخيرسان ياغيش
!صانكي پنجره ني دؤگورسن هرده ن،
شيشه نين داليندان باخيرسان ياغيش.
بيريئرده سوسمورسان يوخدو قرارين
چاپارائلچي سي سن گؤزه ل باهارين
!جولو بارماغينا ياشيل چينارين،
طراوت اوزوگون تاخيرسان ياغيش
!
آچيرام قول قاناد اولورام آزاد
سنده شاد منده شاد چمن لرده شاد
ایلدیریم کوکره ییب ائده نده فریاد
بولوددان قوركيمي چاخيرسان ياغيش
گؤزه ل شيريلتي نين خوش نواسيني
اهمال جادينليره م سس صداسيني
جانيمين آليرام من شفاسيني
!روحوموگؤيلره ياخيرسان ياغيش
!
گويلرده ن سیيريليب يئين قاچيرسان
باخيش لار اوزونه گؤركم آچيرسان
!گونش ده ن نور آليب ایشيق ساچيرسان،
اوره ك لر ائوينه شاخيرسان ياغيش
!