ياغيش معناسي ني قانميش بولودلار چوخ يوبانميش لار.

ده نيزده ن يوخسا قالخمیش لار،اوفوقده دالدالانمیش لار؟

چمن،چول،گول،چايير ،اورمان،ياماج يانمیشسا  يا نغين دان،

گئنه ده آلدانيش رنگينده ايليغيم تك بويانميش لار!

كؤنول لرا يچره حسرت لر آلوولو اود قوپارميش دير،

ماراقلی دویغولار آنجاق عطشده  دامغالانميش لار!

باخيش يورقون، فيكير دوتقون، سئويم سولقون، گولوش پوزقون!

اوره ك لر بوسبوتون ظلمت ایچینده چپيچالانميش لار!

سرين یئل لر شوران ليقدا،شيرين ديل لر يالان ليقدا،

سوساركن نفرتين تاپداغی آلتدا تاپدالانميش لار.

باشی قوینوندا سولموش  گول دوشوب بولبول کناریندا

محبت لر او زولموشكن صداقت لر تالانميش لار!

باخيش لار يول چكير حسرتلی گوزلر يولدا دير سانكی

ياغيش لار ياغماسين بارلی بولودلاردان اينانميشلار!!

مردا د  ۶۹  اردبیل

عشقين زيروسینده گزديم آختارديم

گونش سئودالي بير مارال دالينجا

من گئتديم،اوگئتدي،گؤزومدن ايتدي...

سئوال ايدي بیتدی سئوال دالينجا

نه قده ر اوجالديم  ماوی گؤيلره

او  دوگونلو سيرري بيله بيلمه ديم

توتولدوم غملي بير تبسم كيمي

آغلايا بيلمه ديم  گوله بيلمه ديم

قارا بولود  كيمي اوره گيم دولدو

دویغومون ياغيشي سيخيليب قالدی

بوغولموش دويغومون هر آدديمیندا،

هارای لی  بير داملا ييخيلب قالدی    

ايندی٬ توفان ازميش بير لؤتكه كيمي

اليم ساحيل لردن اوزولمكده دير

دولموشام بولود تك يورغون گؤزومدن

معنالي داملالار سوزو لمكده دير

قفسدن يورولموش يالقيز قوش كيمي

ماوي سمالره اوچماق ایستره م

اولو  يوكسه ليشين  صونسوزلوغوندا

گونش بولاغيندان ايچمه ك ایستره م

مرا چون بيد آوردم به جاي عود مي بخشی

اگر قابل نبودم، مي روم،بدرود، مي بخشی!

تمام رازهايم را برايت باز خواهم گفت؛

اگر بود  اندكي غمناك و بغض آلود، مي بخشی.

مرا با يك غزل آتش زدي رفتي ٬ ازآن لحظه

همين خاكسترم مانده و مشتي دود٬ مي بخشی!

طلسم ناز را بشكن نيازم را تماشا كن

تو را آزرده ام، مي دانم اما زود مي بخشی.

صدايت لفظ باران را ترنم مي كند،آری

به هر دل كه بباری، نغمه ی داوود می بخشی.

« الا ياايهاالساقي  ادركاسا ْ و ناولها»

شراب عشق نابت را چه نامحدود مي بخشی…

فراق تو، مرا پژمرده و مخمورو پژمان كرد.

دلم را هديه مي دارم٬ اگر فرسود مي بخشی!!

تو را من دوست مي دارم و مي دا نم كه مي داني

سرودم تحفه ي سبزی،‌هر آنچه بود،مي بخشی.

ال تلفونو باغلی اؤزو گیزلین ایزی یوخدو

تلفون وورورام ائوده دئییر لر اؤزو یوخدو

ظالیم بالاسی بویله ایتیب  دی آدی باتمیش

هئچ یئرده اقلا ایکی کلمه سؤزو یوخدو

آغلاتدی منی هئچ دن هئچه چؤللره دوشدوم

مین سؤز دئدی بیر کلمه سی نین ده  دوزو یوخدو

بیردن باشینا  یوخسا بلا گلدی دیلیم لال

گؤرمور نگران اولموشام  آخیر گؤزو یوخدو؟!

آللاه هارا گئتدی ؟ آخی یاندیم من آلیشدیم

اودلاندیم اوره ک آتشی نین دای کؤزو یو خدو...

بلکه دونن او جان دئمه گیم قلبینه دگدی؟

شاید اوتانیر گلمه گه بیرده اوزو یوخدو.